India
దేశాభివృద్ధిలో జెన్జీ, జెన్ ఆల్ఫా యువత భాగస్వామ్యం కావాలి: నిర్మలా సీతారామన్
చెన్నై, సెప్టెంబర్ 15 (పబ్లిక్ వైబ్): జెన్జీ (Gen Z), జెన్ ఆల్ఫా (Gen Alpha) తరాలకు చెందిన యువత ముందుకు వచ్చి నాయకత్వ బాధ్యతలు స్వీకరించాలని కేంద్ర ఆర్థిక శాఖ మంత్రి నిర్మలా సీతారామన్ పిలుపునిచ్చారు. తమిళనాడులోని ‘డాక్టర్ ఎం.జి.ఆర్. ఎడ్యుకేషనల్ అండ్ రీసెర్చ్ ఇన్స్టిట్యూట్’ 36వ స్నాతకోత్సవంలో ఆమె ముఖ్య అతితిగా పాల్గొని ప్రసంగించారు.
యువత ఆశయాలను వినడానికి దేశం సిద్ధంగా ఉందని, "దేశం మనకు ఏం చేసిందని ప్రశ్నించుకోకుండా.. మనం దేశం కోసం ఏం చేశామని ఆలోచించాలి" అని ఆమె సూచించారు.
నిర్మలా సీతారామన్ ప్రసంగంలోని ముఖ్యాంశాలు:
- నాయకత్వ బాధ్యతలు: మిమ్మల్ని మీరు జెన్జీ, జెన్ ఆల్ఫా అని పిలుచుకున్నా సరే.. మీ చుట్టూ ఏం జరుగుతోంది? అందులో మీ పాత్ర ఏమిటి? దేశం కోసం మీరు ఏం సాధించగలరు? అనే విషయాలపై యువత దృష్టి పెట్టాలి.
- దేశ ప్రయోజనాలే ప్రథమం: దేశ ప్రయోజనాల విషయంలో ఎప్పుడూ రాజీ పడకూడదు. దేశం సురక్షితంగా, బలంగా ఉంటేనే మనం నివసించడానికి ఒక ఇల్లు ఉంటుంది. ప్రపంచంలోని పలు దేశాలు యుద్ధాలు, ఘర్షణల కారణంగా నిర్వాసితులవుతున్న పరిస్థితులను మనం గమనించాలి.
- భారత ఆర్థిక స్థిరత్వం: రష్యా-ఉక్రెయిన్ యుద్ధం, పశ్చిమాసియా ఘర్షణల వల్ల ప్రపంచవ్యాప్తంగా ముడి చమురు, గ్యాస్, ఎరువుల సరఫరా దెబ్బతిన్నప్పటికీ.. భారత్ అన్ని సవాళ్లను ఎదుర్కొని 7.8 శాతం వృద్ధి రేటును నమోదు చేసింది. ప్రధాన మంత్రి నరేంద్ర మోదీ నేతృత్వంలోని బలమైన ప్రభుత్వమే ఈ ఆర్థిక స్థిరత్వానికి కారణం.
- యువతకు పిలుపు: కేంద్ర ప్రభుత్వం యువత కోసం ఎన్నో నూతన అవకాశాలను కల్పిస్తోంది. జీవితంలో ఎన్ని సవాళ్లు ఎదురైనా ధైర్యంగా ముందుకు సాగాలని, అప్పుడే అనుకున్న లక్ష్యాలను సాధించగలమని విద్యార్థులకు నిర్మలా సీతారామన్ దిశానిర్దేశం చేశారు.